უძრავი ქონების ღირებულება, პირდაპირ კავშირშია მის ადგილმდებარეობასთან. რაც უფრო პერსპექტიულ უბანშია ან ქალაქის ცენტრთან და ქალაქის სტრატეგიულ ობიექტებთან ახლოსაა, მით უფრო ძვირია კვადრატული მეტრის ფასი. თუმცა, ექსპერტები ამბობენ, რომ საჭიროა გავითვალისწინოთ მრავალი ნიუანსი, რომელიც ერთი შეხედვით არ არის აშკარა.
პირველ რიგში, გასათვალისწინებელია მეგაპოლისების ზრდის პოტენციალი. ქალაქის გარეუბანში შედარებით იაფიან მშენებარე სახლში ინვესტიციის განხორციელებისას, უნდა გაითვალისწინოთ, რომ 3-5 წელიწადში ეს ტერიტორია შესაძლოა კიდევ უფრო განვითარდეს და თქვენი სახლი მის ცენტრში აღმოჩნდეს.
მეორეც, დიდი მნიშვნელობა აქვს თუ რომელ სართულზეა ბინა. როგორც წესი, ბინები შედარებით ქვედა სართულებზე დაახლოებით 15%-ით იაფია. ამავე დროს, მნიშვნელოვანია ისეთი კრიტერიუმები, როგორიცაა ბინის განლაგება, მშენებლობის ხარისხი, მომსახურება და სხვა უამრავი ნიუანსი, თუმცა ბინები ნებისმიერ სართულზე იდენტურია. ამიტომ, თუკი ხედი ფანჯრიდან, ან მოსაზრებები "პრესტიჟის" შესახებ თქვენთვის უმნიშვნელოა, ამით საკმაო თანხის დაზოგვას შეძლებთ.
