ავტორიტეტულმა საერთაშორისო ორგანიზაციამ World Justice Project-მა, რომელიც ხელს უწყობს კანონის უზენაესობის განვითარებას მთელ მსოფლიოში, გამოაქვეყნა ყოველწლიური რეიტინგი ქვეყნებში კანონის უზენაესობისა და კორუფციისგან თავისუფლების თვალსაზრისით. კვლევის თანახმად, 2020 წელს, საქართველომ აღმოსავლეთ ევროპისა და შუა აზიის რეგიონში პირველი ადგილი დაიკავა, ხოლო მსოფლიო რეიტინგში კი 42-ე ადგილზე გავიდა.
ამ მაჩვენებლის მიხედვით, ექსპერტებმა საქართველო მაღალი საშუალო შემოსავლის დონის მქონე ქვეყნების ჯგუფში მე -7 ადგილზე დააყენეს. აღსანიშნავია, რომ საშუალო მაღალი შემოსავლის მქონე ტოპ 10 ქვეყანაში საქართველო 2016 წლის შემდეგ მეორედ მოხვდა.
მსოფლიო რეიტინგში, მთავრობის უფლებამოსილების შეზღუდვის მხრივ, საქართველომ დაიკავა 61-ე ადგილი, ხოლო კორუფციის არარსებობის მიხედვით კი 27-ე ადგილი. ღია მმართველობის მიხედვით საქართველომ 41-ე ადგილი, ხოლო ფუნდამენტური უფლებების მხრივ 48-ე ადგილი დაიკავა. ასევე, ანგარიშის თანახმად, საართლინობისა და უსაფრთხოების მხრივ საქართველო რეიტინგში 35-ე ადგილზე, ხოლო კანონმორჩილობის მხრივ 41-ე ადგილზე გავიდა.
ექსპერტები აღნიშნავენ, რომ რეგიონული მასშტაბის 8 მიმართულებებიდან საქართველო 6 კატეგორიაში ლიდერობს. World Justice Project-ის გლობალური კვლევები 128 ქვეყანას მოიცავს.
კეთილი მოგვიარება!