ევროკავშირის ელჩმა საქართველოში კარლ ჰარცელმა გამოაქვეყნა ვიდეო, რომელშიც გამოხატავდა აღფრთოვანებას საქართველოს მთავრობის მიერ covid-19 პანდემიის წინააღმდეგ ბრძოლასთან დაკავშირებით. მან მადლობა გადაუხადა ქვეყნის ხელისუფლებას სწორი მიდგომისა და დროული გადამწყვეტი ქმედებებისთვის, რამაც ხელი შეუწყო საქართველოში ვირუსის ძლიერი აფეთქების თავიდან აცილებას.
მან ხაზი გაუსვა, რომ იმის ფონზე, რაც ევროპაში ხდება, საქართველოში, როგორც ხელისუფლებამ, ასევე ხალხმა შეძლო ძალების გაერთიანება და ვირუსის გავრცელების შეჩერება. ელჩმა ასევე მადლობა გადაუხადა ექიმებს, სამართალდამცავ ორგანოებსა და სასაზღვრო სამსახურებს. ყველა მათგანი დაუღალავად მუშაობდა უსაფრთხოების აუცილებელი ზომების უზრუნველსაყოფად და ქვეყნის მოსახლეობის დასაცავად.
კარლ ჰარცელმა ასევე აღნიშნა, რომ ამჟამინდელი საერთაშორისო კრიზისი უზარმაზარი ეკონომიკური გამოწვევაა და ამ პირობებში საქართველოს მთავრობამ შეძლო ფინანსური დახმარება გაეწია თავის მოსახლეობთვის.
ელჩმა აღნიშნა, რომ ევროკავშირი საქართველოს უდიდესი პარტნიორია და რომ ეს არ შეიცვლება. მისი თქმით, ევროკავშირი მიიღებს ყველა შესაძლო ზომას, საქართველოს ეკონომიკის მხარდასაჭერად, ასევე დაეხმარება ბიზნესის და ყველაზე დაუცველი სოციალური ჯგუფების გადარჩენაში. მისი თქმით, კრიზისიდან გამოსვლა არ იქნება სწრაფი და მარტივი, თუმცა საქართველო და ევროკავშირი ერთად შეძლებს ამ ძნელი გზის გავლას. პოლიტიკოსმა ასევე თქვა, რომ დღესდღეობით არ არსებობს უკეთესი საცხოვრებელი ადგილი, ვიდრე საქართველოშია.
